|| దృశ్యం న్యూస్ ||
ఎస్సి MBSC కులాల రాష్ట్ర అధ్యక్షుడు నిరగొండ బుచ్చన్న “చలో హైదరాబాద్” కార్యక్రమాన్ని విజయవంతం చేయాలని పిలుపునిచ్చారు.
ఈ నెల 21వ తేదీన, సోమవారం, హైదరాబాద్ లోని ఇందిరాపార్క్ ధర్నా చౌక్ వద్ద ఎస్సి 57 ఉపకులాల నిరసన దీక్ష జరుగనుంది అని ఈ కార్యక్రమానికి గోసంగి, మొచి, బుడగజంగం, హోలియదాసరి, డక్కలి, చిందులు వంటి కులాల ప్రజలు పెద్ద సంఖ్యలో తరలిరావాలని బుచ్చన్న కోరారు.
నిజామాబాద్ పట్టణ గోసంగి సంఘం రాష్ట్ర అధ్యక్షుడు గంధం రాజేష్ నిర్వహించిన ఈ కార్యక్రమంలో “చలో హైదరాబాద్” నిరసన దీక్ష కరపత్రాలు ఆవిష్కరించబడ్డాయి, సీఎం రేవంత్ రెడ్డి ఎన్నికల మేనిఫెస్టోలో ఉపకులాల కార్పొరేషన్ ఏర్పాటు చేస్తామంటూ ఇచ్చిన హామీని నిలబెట్టుకోవాలని, త్వరగా కార్పొరేషన్ ఏర్పాటు చేయాలని కోరుతూ, ఎస్సి వర్గీకరణలో వెనుకబడ్డ ఉపకులాలను మాల, మాదిగ కులాలతో కలపకుండా ఎస్సి-ఏ గ్రూపులో చేర్చి 7% రిజర్వేషన్ అమలు చేయాలని ముఖ్యమైన డిమాండ్లు ముందుంచారు.
2011 జనాభా లెక్కల ప్రకారం, ఎస్సి కుల సర్వే చేపట్టి వర్గీకరణ చేపట్టాలని, ఈ నిరసన దీక్షకు జిల్లాలోని ఉపకులాలు పెద్ద సంఖ్యలో తరలిరావాలని పిలుపునిచ్చారు. ఈ కార్యక్రమంలో గోసంగి సీనియర్ నాయకులు కర్రే లింగస్వామి, గంధం గంగాధర్, పస్తం రాజన్న, రాజు, దళిత నాయకులు మహిపాల్ తదితరులు పాల్గొన్నారు.
ఈ నిరసన ద్వారా ఎస్సి ఉప కులాల హక్కుల సాధనకు సంబంధించి ప్రభుత్వంపై ఒత్తిడి పెంచడం లక్ష్యంగా చేసుకొని కులాల సంక్షేమం, హక్కుల సాధన కోసం జరిగే ఈ తరహా కార్యక్రమం అత్యంత ముఖ్యమైనది అని, ఇది కేవలం ఒక నిరసన మాత్రమే కాకుండా, ఎస్సి కులాల సమస్యలపై ప్రభుత్వం చొరవ తీసుకునేలా ప్రేరేపించడానికే చర్య అని,
ఈ కార్యక్రమానికి అనుబంధ మద్దతు అందించడం మరియు పెద్ద సంఖ్యలో పాల్గొనడం అత్యంత అవసరమైనది అని తెలిపారు.
