|| దృశ్యం న్యూస్ ||
నిజామాబాద్ జిల్లా వర్ని మండలం సిద్ధాపూర్ గ్రామానికి చెందిన 13 ఏళ్ల బాలుడు బర్దవాల్ తాన్ సింగ్ S/o రామ్ చంద్ గురువారం ఉదయం స్నేహితులతో కలిసి ఈత నేర్చుకునేందుకు వెళ్లి ప్రమాదవశాత్తు నీటిలో మునిగి మృతిచెందాడు. ఈ ఘటనపై తండ్రి రామచంద్ వర్ని పోలీసులకు ఫిర్యాదు చేయగా కేసు నమోదు చేసి దర్యాప్తు కొనసాగిస్తున్నారు.
ఈ నేపథ్యంలో వర్ని SI మహేష్ మాట్లాడుతూ, వేసవిలో పిల్లలు బావులు, కాలువల్లో ఈతకు వెళ్లే అవకాశం ఎక్కువగా ఉండటంతో, తల్లిదండ్రులు లేదా నిపుణుల పర్యవేక్షణలోనే పిల్లలను ఈత నేర్చుకోవడానికి పంపాలని కోరారు. ఇలాంటి విషయాల్లో ప్రజలందరూ జాగ్రత్తగా ఉండాలని సూచిస్తున్నారు.
