|| దృశ్యం న్యూస్ ||
నిజామాబాద్ జిల్లా ధర్పల్లి మండలంలోని గుడి తండాలో గురువారం తీజ్ పండుగను అత్యంత భక్తిశ్రద్ధలతో, వైభవంగా నిర్వహించారు. ప్రతి సంవత్సరం లాగే ఈ ఏడాది కూడా తీజ్ పండుగను గ్రామస్తులు సంప్రదాయబద్ధంగా జరిపారు. మహిళలు పారంపర్య వస్త్రధారణతో పాటలు పాడుతూ, నాట్య ప్రదర్శనలు చేస్తూ పండుగ వేడుకలను మరింత అందంగా మార్చారు.
గ్రామ పెద్దలు మాట్లాడుతూ – ఈ పండుగ వలన గ్రామానికి శాంతి, సుఖసౌఖ్యాలు, పంటలకు మంచి ఫలితాలు వస్తాయని విశ్వాసం ఉందని తెలిపారు. తీజ్ వేడుకలు గ్రామ సమైక్యతకు చిహ్నంగా నిలుస్తాయని పేర్కొన్నారు.
ఈ కార్యక్రమంలో మహిళలు, యువత, చిన్నపిల్లలు, పెద్దలు అందరూ ఉత్సాహంగా పాల్గొన్నారు.
