|| దృశ్యం న్యూస్ ||
హవేలీ ఘన్పూర్ మండలంలో రాజీవ్ యువ వికాసం పథకం సమర్థవంతంగా అమలుకు దిశగా ముందుకు సాగుతున్నట్లు జిల్లా కలెక్టర్ రాహుల్ రాజ్ తెలిపారు. సోమవారం మీసేవ సెంటర్లో రాజీవ్ యువ వికాసం పోర్టల్ ను పరిశీలించిన కలెక్టర్ ఈ పథకానికి సంబంధించిన దరఖాస్తులను ఆన్లైన్లో ఎలా నమోదు చేసుకోవాలో నిర్వాహకులను అడిగి తెలుసుకున్నారు.
రాజీవ్ యువ వికాసం పథకం ద్వారా బీసీ, ఎస్సీ, ఎస్టీ, మైనారిటీ యువతకు స్వయం ఉపాధి అవకాశాలు కల్పించడమే లక్ష్యమని ఆయన చెప్పారు. హవేలీ ఘన్పూర్ మండలంలో ఇప్పటి వరకు 68 దరఖాస్తులు స్వీకరించబడ్డాయి. ఈ పథకం ద్వారా స్వయం ఉపాధికి సంబంధించి ప్రభుత్వం రాయితీ అందిస్తున్నదని పేర్కొన్నారు.
యువత రుణాలు పొందేందుకు ఈ పథకం అనుకూలంగా ఉంటుందని, 75 రకాల యూనిట్ల ఏర్పాట్లకు సహాయపడుతుందని తెలిపారు. దరఖాస్తులు 2025, ఏప్రిల్ 5 వరకు స్వీకరించబడతాయి. అర్హులైన యువత వెబ్సైట్ [https://tgobmms.gg.gov.in](https://tgobmms.gg.gov.in) ద్వారా ఆన్లైన్లో దరఖాస్తు చేసుకోవాలని కలెక్టర్ సూచించారు.
అయితే, దరఖాస్తులో రేషన్ కార్డు, పాన్ కార్డు, ఫోన్ నెంబర్, ఆధార్ కార్డు వంటి పత్రాలు సమర్పించాలి. జిల్లాకు చెందిన నిరుద్యోగ యువతకు ఆర్థిక సహాయం అందించేందుకు ఈ పథకం ఒక మంచి అవకాశమని జిల్లా కలెక్టర్ తెలిపారు.
