|| దృశ్యం న్యూస్ ||
తెలుగుదేశం పార్టీ వ్యవస్థాపకుడు స్వర్గీయ శ్రీ నందమూరి తారక రామారావు 29వ వర్ధంతి సందర్భంగా బోధన్ మండలం పెంట గ్రామంలో ఎన్టీఆర్ విగ్రహానికి పూలమాలలు వేసి నివాళులర్పించటం జరిగింది.
ఈ సందర్భంగా నిజామాబాద్ పార్లమెంట్ తెలుగు యువత బోధన్ ఇంచార్జ్ ఏతొండ రాజేందర్ మాట్లాడుతూ, 1982లో నందమూరి తారక రామారావు తెలుగుదేశం పార్టీని స్థాపించి 9 నెలల్లోనే ఆ పార్టీని అధికారంలోకి తీసుకురావడాన్ని చరిత్రగా పేర్కొన్నారు.
ఎన్టీఆర్ 1989లో నేషనల్ ఫ్రంట్ ప్రభుత్వ ఏర్పాటులో కీలక పాత్ర పోషించారని, కాంగ్రెస్ ప్రభుత్వానికి వ్యతిరేకంగా నేషనల్ ఫ్రంట్ ఏర్పాటు చేసి తెలుగు ప్రజల గౌరవాన్ని పెంచిన నాయకుడిగా గుర్తించారు.
ఈ కార్యక్రమంలో బోధన్ నియోజకవర్గ టిడిపి ఇన్చార్జ్ గోపాల్ రెడ్డి, టిడిపి నాయకులు, కార్యకర్తలు, అభిమానులు పాల్గొన్నారు.
అదేవిధంగా కేంద్ర ప్రభుత్వం, నరేంద్ర మోడీ గారి నుంచి స్వర్గీయ ఎన్టీఆర్ గారికి భారతరత్న అవార్డు ఇవ్వాలని రాజేందర్ డిమాండ్ చేశారు.
