|| దృశ్యం న్యూస్ ||
నిజామాబాద్ అర్బన్ ఎమ్మెల్యే ధన్ పాల్ సూర్యనారాయణ అసెంబ్లీలో ప్రజాసమస్యలను ప్రస్తావించడంతో రాష్ట్ర ప్రభుత్వం తక్షణమే స్పందించింది. ఎమ్మెల్యే ధన్ పాల్ చేసిన మున్సిపల్ కార్పొరేషన్లకు వన్ టైం సెటిల్మెంట్ (OTS) విధానం వర్తింపజేయాలన్న సూచనకు అనుగుణంగా, ఆస్తిపన్ను బకాయిలపై 90% వడ్డీ మాఫీ కల్పిస్తూ ప్రభుత్వం 25వ తేదీన జీఓ విడుదల చేసింది.
ఇందూర్ మున్సిపల్ కార్పొరేషన్ కమిషనర్ దిలీప్ కుమార్ ప్రకారం, 31వ తేదీ లోపు పన్ను చెల్లించిన వారికి 90% వడ్డీ మాఫీ లభిస్తుంది. తెలంగాణలోని 13 మున్సిపల్ కార్పొరేషన్లకు ఈ వెసులుబాటు వర్తించనుంది.
ఈ నిర్ణయంతో పౌరులు ఆర్థిక భారం తగ్గించుకోగలిగేలా** ఉండటంతో పాటు, మున్సిపల్ కార్పొరేషన్ల ఆదాయం పెరుగుతుందని అధికారులు పేర్కొన్నారు. ప్రజా సమస్యలపై ఎమ్మెల్యే చొరవను ప్రజలు ప్రశంసిస్తున్నారు.
